Frétt

Nýlega lauk norrænum vinnufundi í endurnýtingu í fiskeldi (Nordic Network on Aquaculture Recirculating Systems).   Á vinnufundinum voru haldin nokkur erindi sem eru áhugavert innlegg inn í okkar verkefni.

Hvað kom fram á vinnufundinum?

Ein af málstofunum fjallaði um hönnun á fiskeldisstöð með endurnýtingu ,,How to design 500-1000 tonn salmonid RAS system“.  Aðrar málstofur tóku m.a. fyrir vatnsgæði, nýting úrgangs o.s.frv. Ekki veit ég hvor erindin verða sett á netið en það verður skoðað hvort hægt sé að nálgast hluta erindanna. Hægt er að sækja útdrætti erinda á vefsíðu ráðstefnunnar Hér.

Langsand Laks AS

Í einu erindi var gerð grein fyrir Langsand Laks en gert er ráð fyrir að fyrst slátrun úr stöðinni fari fram í ágúst 2013. Framleiðslugeta einingarinnar verður 1.000 tonn en talið er æskilegt að stöðin sé yfir 3.000 tonn til ná betri hagkvæmni. Í norskum vefmiðli (www.kyst.no) var gerð grein fyrir kynningunni.  Samkvæmt útreikningum er áætlað að framleiðslukostnaður verði 3,48 Evrur/kg og er þá miðað við slægðan lax með haus. Umreiknað í norskar krónur er framleiðslukostnaðurinn 26,6 NOK/kg eða nokkrum krónum meira en það kostar að framleiða lax í sjókvíum í Noregi. Á árinu 2010 var framleiðslukostnaður í norsku sjókvíaeldi 22.25 NOK/kg og var mikil hækkun á milli ára eða um 2,5 NOK/kg.  Sá sem flutti erindið taldi að hærri framleiðslukostnaði í strandeldi í Danmörku mætti ná inn með því að þeir væru nær markaðinum en Norðmenn og flutningskostnaður því minni.

Strandeldisstöðin byggir á mikilli endurnýtingu á sjó og að notaðir verði 250 lítrar til að framleiða eitt kg af laxi.  Áætlað er að orkunotkunin verði um 1,3 KW til að framleiða eitt kg af laxi.

Í erindinu kom einnig fram að byggja strandeldisstöðina og koma henni í rekstur kostaði 6,78 milljónir Evrur eða um einn milljarður íslenskra króna.  Það verður að teljast miklir fjármunir og afskriftir og vextir munu vera þungur baggi sérstaklega fyrstu árin.

Titilsíða