Vefsíðan
Vefsíða þessi er hluta af verkefninu ,,Aukin samkeppnishæfni bleikjueldis í landeldisstöðvum" og verður notuð til að miðla upplýsingum og niðurstöðum til þátttakenda og annarra áhugasamra. Á vefsíðunni er einnig að finna almennar upplýsingar um bleikjueldi og þá sérstaklega efni sem tengist hönnun, skipulagningu og upplýsingum sem geta nýst til að draga úr umhverfisáhrifum landeldisstöðva.
Markmið verkefnisins
Markmið þessa verkefnis er að:
Hanna bleikjueldisstöð fyrir íslenskar aðstæður þar sem haft er til viðmiðunar lykilorðin; einfalt, ódýrt, öruggt og lágmörkun neikvæðra umhverfisáhrifa.
Skipuleggja bleikjueldisstöð m.t.t. þess að bæta vinnuaðstöðu og auka afköst.
Miðla þekkingu til bleikjueldismanna og skilgreina mikilvæg rannsókna- og þróunarverkefni.
Verkefnið
Nánari upplýsingar um verkefnið er hægt að sækja á undirsíðum hér að ofan til vinstri, stutta lýsingu af verkefninu, þátttakendum og lýsingu á verkþáttum. Á vegum verkefnisins verða haldnir fjórir vinnufundir og verða erindi og niðurstöður birtar jafnóðum á vef þess. Gert er ráð fyrir að verkefninu ljúki haustið 2012 og þá verða niðurstöður gefnar út í skýrslu. AVS rannsóknarsjóður í sjávarútvegi styrkir verkefnið og vonandi fleiri sjóðir.