Lýsing á helstu verkþáttum:
Verkþáttur 1. Öflun upplýsinga, upplýsingamiðlun og undirbúningur:
Hér er gert ráð fyrir að forsvarsmenn þriggja bleikjueldisstöðva og afli upplýsinga frá strand- og landeldisstöðvum á Spáni og Frakklandi. Jafnframt verður gerð heimildarleit á vefnum og útbúin vefsíða fyrir verkefnið. Í þessum verkhluta verður endanlega gengið frá skipulagningu á fjórum vinnufundum. Á vinnufundunum munu ákveðnir aðilar sjá um undirbúningsvinnu og kynna sýnar niðurstöður fyrir öllum þátttakendum, farið verður yfir niðurstöður og tillögur framsögumanna í hópavinnum og komist að sameiginlegri niðurstöðu eins og hægt er hverju sinni.
Verkþáttur 2. Líffræðilegar forsendur og hönnun eldiseininga:
Í þessum verkhluta verður tekið fyrir líffræðilegar forsendur bleikjueldis sem nýtist við hönnun og skipulag. Lagt verður mat á hvaða karagerð og karastærð hentar best fyrir hinar mismunandi stærðir á bleikju. Henta lengdastraumskör betur til bleikjueldis en hringlaga kör?
Verkþáttur 3. Vatnslagnir, meðhöndlun og hreinsun vatns:
Hér verður farið yfir hvernig hagkvæmast er að flytja vatn að og frá eldiseiningu. Jafnframt verður skoðað hvernig best er að standa meðhöndlun (loftun og súrefnisbæting) á vatni í eldiskörum og á milli eldiseininga. Gert er ráð fyrir einfaldri hreinsun á vatni án lífhreinsis og lagt mat á hagkvæmustu lausn á hreinsun vatns á milli eldiseininga.
Verkþáttur 4. Skipulag stöðvarinnar og meðhöndlun á fiski:
Í þessum verkhluta verður komið með tillögur á val á búnaði og fyrirkomulag fyrir flutning á fiski, stærðarflokkun, fóðrun og slátrun. Einnig verða útbúnar fyrirkomulagsteikningar fyrir bleikjueldisstöð.
Verkþáttur 5. Hönnun og hreinsun á frárennsli:
Hér verður farið yfir útfærslur og komið með tillögur um hreinsun á frárennslisvatni landeldisstöðva. Jafnframt skoðaðir möguleikar á nýtingu úrgangs frá landeldisstöðvum.
Verkþáttur 6. Tillögur og birting:
Miðlun á niðurstöðum og tillögum verkefnisins. Gefin verður út skýrsla og niðurstöður kynntar á sérstökum kynningarfundi..