Fréttir í april 2002

Myndir segja oft meira en þúsund orð.  Á heimasíðunni Sjavarutvegur.is er að finna tengingar við fjölda heimasíðna sem sérhæfa sig í dreyfingu mynda.  Þessir myndavefir hafa verið gróflega flokkaðir í myndasöfn, fiskeldi, fiskvinnslu, fiskrétti, veiðar/skip, fiska- og sjávarlífverur. Yfirlit yfir myndir á Sjavarutvegur.is er að finna hér.     Gunnar Jóhannsson hefur teiknað mikið af fiskamyndum og eru nokkrar þeirra að finna á Sjavarutvegur.is.

Meira

Matvælasýningin, Matur 2002 lauk nú um helgina.  Sjavarutvegur.is var á staðnum og fékk strax á tilfinninguna að sjávarafurðir flokkuðust tæplega sem matvæli.  Miðað við umfang sjávarútvegs þá var hlutur hans harla ómerkilegur á sýningunni. Örfá fyrirtæki voru með sjávarafurðir og af þeim eru tvö með heimasíður; Val-lax og Íslenskt sjávarfang. Á sýningunni var einnig kynnt bók sem lítið hefur farið fyrir;  Seiðandi saltfiskur og þorskréttir þjóðanna.  Þetta er ágæt bók sem m.a. hefur fengið umfjöllun á Veitingavefinum.  Meira

Í Færeyjum er Fiskivinnuskúlin sem hefur ágæta heimasíðu og einnig nemendur. Fiskvinnsluskólinn í Hafnafirði hefur heimasíðu en enga nemendur þar sem síðustu útskriftarnemendur voru brautskráðir á vorönn 2001.  Saga menntunar í fiskvinnslufræðum á Íslandi er ein þrautarganga. Í vefritinu Sjávarútvegurinn er grein um sögu fiskvinnslufræðimenntunar á Íslandi; ,,Fiskvinnsluskólinn og saga fræðslumála fiskiðnaðarins"  Meira

Fyrir þá sem hafa áhuga að fylgjast með fréttum á netinu um sjávarútvegsmál á Íslandi mælir Sjavarutvegur.is  með fréttavefnum mar.is  Meira

Á heimasíðu AquaFlow (Evrópunet til dreifingar upplýsinga um rannsókna- og þróunarverkefni í fiskeldi) er að finna upplýsingar um rannsókna- og þróunarverkefni í fiskeldi í Evrópu. Aquaflow er styrkt af Evrópusambandinu. Fiskeldissamtökum Evrópu (EAS) og Samtök Evrópskra Fiskeldisframleiðanda (FEAP) sjá um netið. Meira

Ertu að leita að upplýsingum um markaðsmál?   Á heimasíðu ,,Eksportutvalget for fisk" í Noregi er að finna mikinn fróðleik um markaðsmál. Meira

Ársfundur Veiðimálastofnunar var haldinn föstudaginn 12. apríl.  Þar flutti Þórólfur Antonsson áhugavert erindi ,,Stærð hrygningarstofns og nýliðun í “litlum ám”.  Erindi þetta er að finna á heimasíðu Veiðimálastofnunar.   Meira

Efnt var til fyrirspurnaþings á vegum Sjávarútvegsráðuneytisins 16. og 17. nóvember 2001 til að ræða niðurstöðu Hafrannsóknastofnunar á stofnmati þorskstofnsins. Að beiðni sjávarútvegsráðherra var Dr. Tuma Tómassyni falið að taka saman skýrslu sem er að finna á heimasíðu Sjávarútvegsráðuneytisins ásamt fyrirlestrum sem haldnir voru á fyrirspurnarþinginu. Heiti skýrslunar er ,,Fagleg gagnrýni á stofnmat og veiðiráðgjöf Hafrannsóknastofnunnar".  Meira

Mikill áhugi er nú fyrir fiskeldi á Íslandi.  Norska Fiskistofna hefur birt til fjölda ára yfirlit yfir framleiðslukostnað í norsku laxeldi.  Þessar skýrslur eru mjög áhugaverðar fyrir þá sem eru að velta fyrir sér framleiðslukostnaði í fiskeldi. Meira

Hefur þú áhuga á matreiðslu? Að sjálfsögðu er hér átt við matreiðslu þar sem sjávarfang er uppistaðan. Á heimasíðunni Sjavarutvegur.is er mikill fjöldi tenginga við heimasíður sem innihalda uppskriftir, nokkur þúsund eða jafnvel tugi þúsunda uppskrifta. Þær heimasíður sem að mati Sjavarutvegur.is eru áhugaverðastar eru feitletraðar Meira

Hefur þú áhuga að fylgjast með tækninýjungum í sjávarútvegi?  Sjavarutvegur.is mælir með heimasíðu Fish information service en þar er á hverjum virkum degi birt ein ný kynning á tækninýjungum í sjávarútvegi. Meira

Á undanförnum árum hefur verið hröð þróun í hönnun úthafskvía.  Á vegum Univerisity of New Hamsphire er verkefni sem hefur fengið starfsheitið "Open Ocean Aquaculture"  Til að kynna verkefnið og niðurstöður hefur verið hönnuð athyglisverð heimasíða.  Meira

Í umræðunni um að nýta betur afla frystitogara er vert að benda á heimasíðu Rubin.  Rubin er norsk samtök sem hafa það að markmiði að nýta betur sjávarfang og á heimasíðu þeirra er að finna áhugaverða bók: Lærebok i utnyttelse av biprodukter. (Fra utkast til inntekt)  Meira

Sjavarutvegur.is mælir með fréttavef Fish information service.  Á þessum vef eru fréttir af sjávarútvegi frá öllum löndum  Meira