Sjókvíaeldi
Tilraunaeldi í sjókvíum hófst í Hvalfirði árið 1972 á vegum Fiskifélags Íslands. Framan af var mikið um tjón og afföll í sjókvíaeldi. Leitað var að búnaði sem hentaði og var prófuð úthafskví af Bridgestone-gerð sem var tekin í notkun 1985 og önnur tegund úthafskvía af Farmocean-gerð sem var tekin í notkun 1989. Reynslan af þessum kvíum var ekki góð og virtust þær ekki henta til eldis á opnum svæðum hér við landi.

Frá 2002 hefur Vopn-fiskur hf. á Vopnafirði  verið að þróa botnlæga sökkvanlega kví til föngunar og áframeldis á þorski.  Einnig hefur Sæsilfur hf. verið að þróa búnað á undanförnum árum til þess að halda marglyttum frá sjókvíum.

Strandeldi
Fyrsta strandeldisstöðin tók til starfa árið 1978 að Húsatóftum við Grindavík. Allt frá upphafi gekk reksturinn erfiðlega. Fyrsta stóra stöðin, Íslandslax hf. tók til starfa árið 1986. Stöðin er 24.000 m³ að stærð og var þá stærsta mannvirki sinnar tegundar í heimi. Í kjölfarið voru fleiri stöðvar byggðar til eldis á laxi. Nú eru starfræktar þrjár stórar strandeldisstöðvar á Stað í Grindavík, Vatnsleysuströnd, og Öxarfirði.

Það var ekki fyrr en árið 1990 að verulegt átak var gert í rannsóknum til að bæta rekstur strandeldisstöðva. Dæmi um rannsókna- og þróunarverkefni eru hönnun og skipulag strandeldisstöðva, flutningur og flokkun á fiski, endurnýting og súrefnisbæting.

Ný rannsókna- og þróunarverkefni

Skýrslur og fræðsluefni